Búgin elimizde aýa sapasy nasharlaıtyn qalalar sany azaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady. 

— 9 sáýirde Óskemen jáne Aqtóbe qalalarynda qolaısyz meteorologııalyq jaǵdaılar kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, Aqmola oblysynda aýany lastaıtyn kólikterge baqylaý kúsheıtildi.

Sonymen qatar Pavlodar oblysynda ekologııalyq talaptardy buzǵany úshin 8 aýyl ákimi aıyppul tóledi.