Búgin aýa sapasy nasharlaǵan qalalardyń sany 10-ǵa jetti
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 30 sáýirde Kókshetaý, Óskemen, Semeı, Rıdder, Taldyqorǵan, Almaty, Astana qalalarynda, túnde Qaraǵandy, Jezqazǵan, Temirtaý qalalarynda qolaısyz meteorologııalyq jaǵdaı kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, sınoptıkter 30 sáýirde aýa raıyna baılanysty birqatar óńirde eskertý jarııalady.
