Zagrebte Ekinshi dúnıejúzilik soǵys kezeńinen qalǵan qabirler tabyldy

ASTANA. KAZINFORM — Horvatııa astanasy Zagrebtiń Gornıa Dýbrava aýdanyndaǵy Leshche ormanynda Ekinshi dúnıejúzilik soǵys jáne soǵystan keıingi kezeńge tıesili 23 adamnyń súıegi bar eki jappaı jerleý orny tabyldy, dep habarlaıdy Report.

Máıitter 1945–1946 jyldary partızandar jasaǵan qylmystardyń qurbandary bolýy múmkin degen boljam bar.

Ardagerler isteri jónindegi mınıstr Tomo Medved qaza tapqandardyń qoldary symmen baılanyp, ózderiniń kıimsiz bolǵanyn atap ótti.

Ótken aıdan beri Gornıa Dýbrava men Sesvete aýdandaryndaǵy jappaı jerleý oryndary bolýy múmkin 5 jerde zertteý jumystary júrgizilip jatyr. Sońǵy on jyl ishinde Horvatııa boıynsha 630-dan astam oryn zerttelip, eldiń 16 óńirindegi 90-nan astam jerde 2 200-den astam adamnyń súıegi eksgýmatsııalanǵan.

Aıta keteıik, byltyr Germanııada Ekinshi dúnıejúzilik soǵys kezindegi bomba jarylyp, 58 adam jaraqat aldy.