Búgin aýa raıy qandaı bolady

ASTANA. KAZINFORM — «Qazgıdromet» 29 sáýir kúngi aýa raıy boljamyn jarııalady. 

Qazaqstan aýmaǵynyń basym bóliginde antıtsıklon sileminiń áserinen jaýyn-shashynsyz aýa raıy kútiledi. Batysta, soltústik-batysta, soltústikte, respýblıkanyń ońtústigindegi taýly aýdandarda naızaǵaı oınap, jańbyr jaýady. Ońtústik-batysta burshaq jaýýy múmkin. Respýblıka boıynsha jel kúsheıip, tuman bolyp, ońtústikte daýyl soǵady.

Túnde Batys Qazaqstan, Shyǵys Qazaqstan oblystarynyń soltústiginde, shyǵysynda 3 gradýs úsik júredi.

Aqtóbe oblysynyń batysynda, soltústiginde jáne batysynda, Abaı oblysynyń ortalyǵynda 2 gradýs úsik kútiledi.

Aqmola, Pavlodar, Qaraǵandy oblystarynda da kún aıazdy. Aımaqtardyń shyǵysynda 1 gradýs úsik bolady.

Atyraý oblysynyń ońtústik-shyǵysynda, Aqtóbe oblysynyń ońtústiginde, Soltústik Qazaqstan oblysynyń batysynda, Pavlodar oblysynyń soltústiginde, Abaı oblysynyń ortalyǵynda, Qyzylorda oblysynyń shyǵysynda órt qaýpi joǵary.

Jetisý oblysynyń ońtústiginde, shyǵysynda tótenshe órt qaýpi bar.

Aıta keteıik, Reseıde qolaısyz aýa raıy saldarynan 3 adam qaza tapty, myńdaǵan turǵyn jaryqsyz qaldy.