Búgin Atyraýda aýa sapasy nasharlaıdy
ASTANA. KAZINFORM – 2 mamyrda respýblıkanyń basym bóliginde qolaıly meteorologııalyq jaǵdaı saqtalady.
«Qazgıdromet» RMK málimeti boıynsha, tek Atyraý qalasynda aýa sapasy birshama nasharlap, meteorologııalyq jaǵdaı jaısyz bolady.
Qolaısyz meteorologııalyq jaǵdaı — atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
