Búgin Atyraýda aýa lastanady

ASTANA. KAZINFORM – Búgin Atyraýda jaısyz meteorologııalyq jaǵdaı qalyptasyp, aýa lastanady, dep habarlaıdy «Qazgıdromet».

-2025 jylǵy 30 sáýirde aýanyń lastanýynyń qolaısyz meteorologııalyq jaǵdaılary túnde Atyraý qalasynda týyndaıdy,-delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, elimizde aýa sapasy nasharlaǵan qalalar sany azaıdy.