Búgin Astanadaǵy tórt etnoaýylda merekelik kontsert bolady
ASTANA. KAZINFORM — Astanada búgin, 14 qyrkúıek kúni tórt etnoaýylda — Qazaq eli monýmenti, Atatúrik saıabaǵy, Báıterek monýmenti jáne Ortalyq saıabaq mańynda kontserttik baǵdarlamalar uıymdastyrylady, dep habarlaıdy elorda ákimdigi.
Kontserttik baǵdarlamaǵa mádenıet basqarmasynyń vedomstvolyq baǵynysty mekemeleriniń shyǵarmashylyq ujymdary men solısteri, sondaı-aq belgili óner qaıratkerleri men otandyq estrada juldyzdary qatysady.
Etnoaýyldar myna oryndarda ornalasqan jáne osyndaı keste boıynsha jumys isteıdi:
Esil aýdanynyń aýmaǵynda Báıterek monýmentiniń alańynda etnoaýyl ashyldy. Ol saǵat 11.00-den 23.00-ge deıin jumys isteıdi. Al 15 qyrkúıekte (saǵat 11.00-13.00) jabylady.
Saǵat 18:00–den bastap etnoaýyl aýmaǵynda «Naz» bı teatry men elordalyq tsırk ártisteriniń qatysýymen kontserttik baǵdarlama ótedi.
Almaty aýdanynda etnoaýyl Qazaq eli monýmentiniń janynda ornalasqan. Ol óz jumysyn 14 qyrkúıekte (saǵat 10.00-den 20.00-ge deıin) aıaqtaıdy.
Baıqońyr aýdanynyń aýmaǵynda etnoaýyl Atatúrik saıabaǵynda uıymdastyrylǵan. Etnoaýyl saǵat 15.00-den 20.00-ge deıin ashyq. Jumysyn 14 qyrkúıek kúni (saǵat 15.00-den 20.00-ge deıin) aıaqtaıdy.
Saǵat 18.00-den bastap etnoaýyl aýmaǵynda Qýyrshaqtar teatry men elordalyq tsırk ártisteriniń qatysýymen «Balalarǵa bazarlyq» balalar baǵdarlamasy ótedi.
Nura aýdanynyń etnoaýylynda kontserttik baǵdarlama saǵat 18.00-den 20.00-ge deıin ótedi.
Esterińizge sala keteıik, Astanada 8-13 qyrkúıek aralyǵynda 5-shi Dúnıejúzilik kóshpendiler oıyndary ótti, oǵan álemniń 89 elinen 2500-den astam sportshy qatysty.
