Búgin Astanada jylý beriledi
ASTANA. KAZINFORM – Búgin, 28 qyrkúıekte saǵat 14:00-den bastap jylý berý jumystary júrgiziledi. Bul týraly elorda turǵyndaryna tańerteń habarlama keldi.
Nazar aýdarýlaryńyzdy suraımyz:
1. Jylýdy qosý kezinde páterde bolǵanyńyz jón.
2. Eger jóndeý jumystaryn júrgizgen bolsańyz, radıatordaǵy tyǵyndar men krandardyń durys ornatylǵanyn tekserińiz.
3. Jóndeý barysynda radıator alynǵan bolsa, ony shuǵyl ornatyp, úı basqarýshysyn habardar etińiz.
4. Radıatorlaryńyzdy zaqymdaný bar-joǵyn tekserińiz.
5. Jylýdy qosý kezeń-kezeńimen júzege asyrylady jáne birneshe kúnge sozylýy múmkin. Qala boıynsha qosý jumystary júrip jatqandyqtan, jylý men ystyq sý parametrleri ýaqytsha tómen bolýy yqtımal. Osyǵan túsinistikpen qarap, jumystardyń aıaqtalýyn kútýińizdi suraımyz.
Jeke jáne aqyly ótinimder sál keıinirek oryndalady, sebebi barlyq tehnıkalyq personal jylýdy qosý protsesine jumyldyrylady.
Apattyq jaǵdaı týyndaǵan kezde táýlik boıy jumys isteıtin dıspetcherlik qyzmetke habarlasyńyz:
📞 +7 (711) 060-47-77
📞 +7 775 542-55-13
Aıta keteıik, Shyǵys Qazaqstan oblysy Rıdder qalasynda jylý berile bastady.