Búgin Astanada jáne taǵy 11 qalada aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

«2025 jylǵy 2 jeltoqsanda Aqtóbe, Oral, Almaty, Astana, Shymkent, Óskemen, Pavlodar, Qaraǵandy, Jezqazǵan, Balqash, Temirtaý qalalarynda, túnde Qostanaı qalasynda qolaısyz meteorologııalyq jaǵdaılar kútiledi», delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske sala keteıik, 2 jeltoqsanda Qazaqstannyń 16 oblysynda kún raıyna baılanysty eskertý jarııalandy.