Búgin Astanada jáne birneshe qalada aýa sapasynyń nasharlaıtyny belgili boldy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

«2025 jylǵy 6 jeltoqsanda Oral, Aqtóbe, Almaty, Atyraý, Jezqazǵan, Balqash, túnde Astana qalalarynda qolaısyz meteorologııalyq jaǵdaılar kútiledi», delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal. 

Aıta keteıik, «Qazgıdromet» aldaǵy kúnderi temperatýra tómendep, eldiń basym bóligin tuman basatynyn habarlady.