Búgin Astanada 15 avtobýstyń baǵdary ýaqytsha ózgeredi

ASTANA. KAZINFORM – Búgin Astanada saǵat 08.00-den 20.00-ge deıin on bes avtobýstyń baǵdary ýaqytsha ózgeredi. Bul týraly «City Transportation Systems» JShS baspasóz qyzmeti habarlady.

«Qurmetti Astana qalasynyń turǵyndary men qonaqtary! 3 qarashada saǵat 08.00-den 20.00-ge deıin LRT estakadasynyń ýaqytsha metall tirekterin demontajdaýǵa baılanysty, Máńgilik El dańǵyly boıynda Syǵanaq kóshesimen qıylysynda joldy tolyǵymen jabý josparlandy. Saparlaryńyzdy aldyn ala josparlaýdy suraımyz. Ýaqytsha qolaısyzdyqtar úshin keshirim suraımyz», — delingen «City Transportation Systems» JShS habarlamasynda.

Eske sala keteıik, buǵan deıin Almatydan Qaskeleń men Uzynaǵashqa qatynaıtyn avtobýstar jolǵa shyqqanyn jazǵan bolatynbyz.