Búgin Astana jańbyrly, Almaty men Shymkentte aptap ystyq
ASTANA. KAZINFORM — 16 tamyzda Qazaqstannyń birqatar óńirinde aýa raıyna baılanysty eskertý jarııalandy. Sınoptıkter qatty jańbyr, naızaǵaı, burshaq, ekpindi jel, shańdy daýyl jáne 40 gradýsqa deıingi ystyq bolatynyn boljady.
Búgin Astanada aýa temperatýrasy kúndiz +23…+25°C aralyǵynda bolady. Jeldiń jyldamdyǵy 9-14 m/s, ekpini 15-18 m/s deıin jetýi múmkin.
Almatyda kún ystyq bolady. Kúndiz aýa temperatýrasy +35…+37°C-qa deıin kóteriledi. Jeldiń jyldamdyǵy 3-8 m/s shamasynda.
Shymkentte de aptap ystyq saqtalady. Kúndiz aýa temperatýrasy +37…+39°C aralyǵynda bolady. Jeldiń jyldamdyǵy 8-13 m/s bolady.
Búgin sondaı-aq elimizdiń kóptegen óńirinde órt qaýpiniń joǵary jáne tótenshe deńgeıi saqtalady.
