Búgin Astana, Óskemen jáne Almaty qalalarynda aýa sapasy taǵy da tómendeıdi
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
«2025 jylǵy 11 jeltoqsanda Qazaqstan aýmaǵy boıynsha qolaısyz meteorologııalyq jaǵdaılar Óskemen, Almaty, túnde Astana qalasynda kútiledi», delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, «Qazgıdromettiń» boljaýyna súıensek, 11 jeltoqsanda elimizdiń shyǵysynda, ońtústiginde, sondaı-aq ortalyq aımaqtarynda kún kóziniń kúrt sýytýy kútilip otyr. Al batys jáne ońtústik aımaqtarda qar jaýyp, boran soǵýy múmkin.