Búgin Astana men taǵy eki qalada aýa sapasy nasharlaýy múmkin

ASTANA. KAZINFORM — Sınoptıkter elimizdegi aýa sapasyna qatysty boljamyn jarııalady.  

— 2025 jylǵy 21 jeltoqsanda Aqtóbe, Astana jáne túnde Atyraý qalalarynda aýanyń lastanýynyń qolaısyz meteorologııalyq jaǵdaılary kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, Qazaqstannyń 16 oblysynda 21 jeltoqsan kúni aýa raıyna baılanysty eskertý jarııalandy.