Búgin Astana men taǵy 7 qalada aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

— 28 aqpanda aýanyń lastanýynyń qolaısyz meteorologııalyq jaǵdaılary Astana, Pavlodar, Qaraǵady, Temirtaý, Óskemen, Semeı, Rıdder, túnde Qostanaı qalalarynda kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, Shymkentte qystyń sońǵy aıynda jemis aǵashtary gúldedi. 

Buǵan deıin sarapshy aıaz ben qalyń qardyń kúzdik daqyldarǵa áserin baǵalady.