Búgin Astana men taǵy 3 qalada aýa sapasy nasharlaıdy

«Qazgıdromet» RMK málimetinshe, 8 jeltoqsanda Qazaqstannyń 4 qalasynda qolaısyz meteorologııalyq ahýal qalyptasady, dep habarlaıdy Kazinform.

Atap aıtqanda, aýa sapasy Almaty, Astana, Aqtóbe jáne Petropavl qalalarynda nasharlaıdy dep kútiledi.

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.