Búgin 4 qalada aýa sapasy nasharlaıdy
«Qazgıdromet» RMK 14 qarashada Qazaqstan qalalarynda qalyptasatyn meteorologııalyq ahýalǵa boljamyn jarııalady, dep habarlaıdy Kazinform.
Seısenbi kúni aýanyń lastanýynyń qolaısyz meteojaǵdaıy Almaty, Shymkent, túnde Astana, Atyraý qalalarynda kútiledi. Ózge shaharlarda aýa sapasy norma sheginde bolady.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
