Búgin Astana men Petropavlda aýa sapasy nasharlaıdy
ASTANA. KAZINFORM – «Qazgıdromet» RMK 1 aqpan kúni Qazaqstan qalalarynda qalyptasatyn aýa sapasyna boljamyn jarııalady.
Atap aıtqanda, senbide Astana, Petropavl qalalarynda qolaısyz meteorologııalyq jaǵdaı kútiledi. Ózge shaharlarda aýa sapasy norma sheginde bolady.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
