Búgin Astana men Almatyda jáne taǵy segiz qalada aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
– 20 sáýirde qolaısyz meteorologııalyq jaǵdaılar Qaraǵandy, Jezqazǵan, Temirtaý, Balqash, Óskemen, Semeı, Rıdder, Taldyqorǵan, Almaty jáne Astana qalalarynda kútiledi, – delingen habarlamada.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Almatyda kómir men qurylys qaldyqtaryna qatysty ekologııalyq baqylaý kúsheıtiledi.
