Búgin Astana men Almatyda jáne taǵy segiz qalada aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 23 naýryzda Qostanaı, Pavlodar, Qaraǵandy, Jezqazǵan, Balqash, Temirtaý, Atyraý, Aqtóbe, Almaty jáne Astana qalalarynda aýa lastanýynyń qolaısyz meteorologııalyq jaǵdaılary kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, ekologııalyq talapty eskermegen Pavlodar elektrolız zaýytyna aıyppul salyndy. Kásiporyn osy ýaqytqa deıin shyǵaryndylardy monıtorıngteý júıesiniń ulttyq derekter bazasyna qosylmaı kelgen.
