Búgin Astana men Almatyda jáne taǵy alty qalada aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
– 31 naýryzda Almaty, Astana, Pavlodar, Temirtaý, Qaraǵandy, Aqtóbe qalalarynda, túnde Qostanaı, Atyraý qalalarynda qolaısyz meteorologııalyq jaǵdaılar kútiledi, – delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Óskemende ekologııalyq talaptardy saqtamaǵan kásiporynǵa 20 mln teńge aıyppul salyndy.
Al «Jer saǵaty» aktsııasyna bıyl elimiz boıynsha 500-den astam nysan qatysty.
