Búgin Astana, Almaty jáne taǵy úsh qalanyń aýa sapasy tómendeıdi
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 20 mamyrda Qaraǵandy, Temirtaý, Aqtóbe, Almaty qalalarynda, túnde Astana qalasynda qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Abaı oblysynda jyl basynan beri 5772 ekologııalyq quqyq buzýshylyq tirkeldi.
Osyǵan deıin Óskemende ónerkásip aýmaǵynda aǵash japyraqtarynyń sarǵaıýyna baılanysty ekologter tekserý júrgizetini týraly jazǵan bolatynbyz.
