Búgin Astana, Almaty jáne Balqash qalalarynda aýa sapasy nasharlaıdy
ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.
– 8 maýsymda Balqash, Almaty, túnde Astana qalalarynda qolaısyz meteorologııalyq jaǵdaılar kútiledi, – delingen habarlamada.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Eske sala ketsek, Ózbekstan aýasy eń las álem elderiniń reıtıngisinde 59-shy orynǵa jaıǵasty.
Al jýyrda Abaı, Ulytaý jáne Almaty oblystarynda jańa ekozerthanalar quryldy. Olar óńirdegi atmosferalyq aýaǵa, ónerkásiptik shyǵaryndylarǵa, kólik quraldarynan shyǵatyn gazdarǵa synama júrgizedi.
