Búgin Astana, Almaty men taǵy 6 qalada aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 13 qazanda Qaraǵandy, Jezqazǵan, Balqash, Temirtaý, Aqtóbe, Almaty, Astana qalalarynda, al túnde Oral qalasynda qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, búgin Qazaqstannyń 15 oblysynda tuman túsip, jel kúsheıedi.
Buǵan deıin Atyraý munaı óńdeý zaýytynda ekologııalyq zań buzý faktisi anyqtalǵan bolatyn. Al Almatyda 2040 jylǵa deıin ekologııaǵa áser etetin 276 kásiporyn qaladan shyǵarylady.
