Búgin Los-Andjeleste úzdik akterlerge «Altyn globýs» syılyǵy tabystalady
ASTANA. KAZINFORM — Búgin «Altyn globýs» syılyǵyn tabystaýdyń 83-shi saltanatty rásimi Los-Andjelestegi Beverly Hilton qonaqúıinde ótedi. Bul týraly AP habarlady.
Bul shara dástúrli túrde kıno jáne telesyılyqtar maýsymyn ashatyn mańyzdy oqıǵa sanalady. Saltanatty rásimniń tikeleı kórsetilimi CBS telearnasynda jáne Paramount+ strımıngtik servısinde kórsetiledi.
Bıylǵy nomınanttar qatarynda Leonardo Dı Kaprıo, Tımotı Shalame, Arıana Grande, Sıntııa Erıvo jáne Emma Stoýn bar. Saltanatty rásimdi qatarynan ekinshi ret komık ári aktrısa Nıkkı Glazer júrgizedi.
Nomınatsııalar sany boıynsha kósh bastaǵan fılm — «Odna bıtva za drýgoı» (One Battle After Another). Kartına toǵyz nomınatsııaǵa ıe boldy, olardyń qatarynda Leonardo Dı Kaprıo men Cheız Infınıtıdiń akterlik jumystary, sondaı-aq rejısser Pol Tomas Andersonnyń da eńbegi bar.
«Komedııalyq fılmdegi úzdik akter» atalymynda Leonardo Dı Kaprıo Tımotı Shalame jáne Djordj Klýnımen baq synasady. Akterlik jáne mýzykalyq nomınatsııalarda Arıana Grande men Emma Stoýn da usynylǵan.
Dat rejısserleriniń «Sentımentalnaıa tsennost» fılmi segiz nomınatsııaǵa ıe boldy. Onyń ishinde Renata Reınsveniń úzdik áıel róli de bar.
«Úzdik dramalyq fılm» sanatynda básekelester qatarynda Djýlııa Roberts pen Djennıfer Loýrens túsken fılmder bar.
Saltanatty rásimge marapattalatyndardan basqa da Gollıvýd juldyzdary taıly-tuıaǵymen qalmaı qatysqaly otyr. Olardyń qatarynda Djordj Klýnı, Djýlııa Roberts, Mıla Kýnıs, Amanda Seıfrıd, Ana de Armas jáne basqa da tanymal akterler bar.
Buǵan deıin, 6 qańtar kúni, Beverlı-Hıllzde Golden Eve atty arnaıy kesh ótken. Sol kesh barysynda qurmetti marapattar tabystaldy. Sara Djessıka Parker teledıdar salasynyń damýyna qosqan úlesi úshin Kerol Bernett syılyǵyn alsa, Helen Mırren kınematografııadaǵy jetistikteri úshin Sesıl B. Demıll atyndaǵy syılyqqa ıe boldy.
Qańtar aıynyń basynda jyl saıyn ótkiziletin «Altyn globýs» syılyǵy álemdik kınoındýstrııadaǵy eń bedeldi ári eń kóp kútiletin marapattardyń biri bolyp qala beredi.
Aıta keteıik, «Avatar» fılminiń úshinshi bólimi 1 mıllıard dollardan astam qarajat jınady.