Búgin alty qalada aýa sapasy nasharlaıdy
ASTANA. KAZINFORM – «Qazgıdromet» RMK Qazaqstan qalalaryndaǵy aýa sapasyna qatysty boljamyn jarııalady.
– 2025 jylǵy 15 shildede Qaraǵandy, Temirtaý, Aqtóbe, Almaty qalalarynda, túnde Atyraý jáne Astana qalalarynda qolaısyz meteorologııalyq jaǵdaılar kútiledi, – delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
