Búgin alty qalada aýa lastanady

ASTANA. KAZINFORM – Búgin Qazaqstannyń alty qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy «Qazgıdromet».

- 2025 jyldyń 5 aqpanda Pavlodar, Semeı, Rıdder, Aqtobe, Almaty, Astana qalalarynda aýanyń lastanýynyń qolaısyz meteorologııalyq jaǵdaıy kútilýde, - delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Osyǵan deıin elimizdiń 11 óńirinde aýa raıyna baılanysty eskertý jarııalanǵany týraly jazdyq.