Búgin Almatyda jáne taǵy bes qalada aýa sapasy nasharlaıdy – Qazgıdromet
ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.
– 26 mamyrda qolaısyz meteorologııalyq jaǵdaılar Almaty qalasynda, túnde Almaty, Atyraý, Qaraǵandy, Balqash, Jezqazǵan, Temirtaý qalalarynda kútiledi, – delingen habarlamada.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, keshe Atyraý turǵyndary jaǵymsyz ıisten mezi bolǵandaryn aıtyp, shaǵymdandy.
Kóp uzamaı ekologtar turǵyndar shaǵymynan keıin aýa quramyn tekserdi.
