Búgin Almatyda aýa lastanady

ASTANA. KAZINFORM – Búgin elimizdiń bir qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy «Qazgıdromet».

-2025 jylǵy 16 tamyzda Almaty qalasynda qolaısyz meteorologııalyq jaǵdaılar kútilýde,-delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Osyǵan deıin frantsýz ǵalymdarynyń mıkroplastıktiń qaýpine alańdaýly ekeni týraly jazdyq.