Búgin Almaty men taǵy eki qalada aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady. 

— 5 sáýirde Atyraý, Aqtóbe, Almaty qalalarynda qolaısyz meteorologııalyq jaǵdaılar kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, elimizdiń birneshe óńirinde aýa raıyna baılanysty daýyldy eskertý jarııalandy.

Sondaı-aq sınoptıkter Qazaqstannyń úsh aımaǵynda ózender arnasynan asýy múmkin ekenin eskertti.