Búgin Almaty men taǵy eki qalada aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 15 tamyzda Almaty, Atyraý túnde Óskemen qalalarynda qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Atyraýda ekologııalyq tekseristi paramen sheshpek bolǵan basshy 270 mln teńge aıyppul arqalady.
Sondaı-aq Atyraýda ekologııa talaptaryn buzǵandarǵa 2,4 mlrd teńge aıyppul salyndy.
Batys Qazaqstan oblysynda Jaıyq ózeninde sýda kóbik paıda bolyp, jasyl túske boıalǵany jóninde áleýmettik jelide beınejazba jarııalandy. Buǵan qatysty ekologııa departamenti jaýap berdi.
