Búgin Almaty men taǵy 5 qalada aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 20 qyrkúıekte Pavlodar, Oral, Atyraý, Aqtóbe jáne Almaty qalalarynda, sondaı-aq Qostanaıda túnde qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Atyraýda aýa sapasynyń nasharlaýyna áser etetin negizgi faktorlar ataldy.
Al Ertis-Baıan óńirinde aýaǵa shyǵarylatyn lastaýshy zattardyń jartysyna jýyǵy Ekibastuz qalasyna tıesili.
Eske salaıyq, Shyǵys Qazaqstan oblysynda ekologııalyq zańnama talaptaryn buzǵan ákimder jaýapqa tartyldy. Sondaı-aq Qaraǵandy oblysynda ekologııalyq zań buzýshylyqtarǵa 57 mln teńgeden astam aıyppul salyndy.
