Búgin Almaty men taǵy 12 qalanyń aýasy lastanady

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady. 

— 2026 jylǵy 22 qańtarda Kókshetaý, Pavlodar, Qaraǵandy, Temirtaý, Balqash, Jezqazǵan, Oral, Atyraý, Aqtóbe, Óskemen, Semeı, Rıdder, Almaty qalalarynda aýanyń lastanýynyń qolaısyz meteorologııalyq jaǵdaılary kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Osyǵan deıin 22 qańtarda aýa raıy qandaı bolatyny týraly jazdyq.