Búgin Almaty qalasynda aýa sapasy nasharlaıdy

ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.

«2025 jylǵy 2 qarashada qolaısyz meteorologııalyq jaǵdaılar Almaty qalasynda kútiledi», delingen «Qazgıdromet» RMK-niń habarlamasynda.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske sala keteıik, «Qazgıdromet» RMK 2 qarashadaǵy aýa raıy boljamyn usyndy. Sınoptıkterdiń boljaýynsha, elimizdiń basym bóliginde tuman túsip, jel kúsheıedi. Soltústik-batysta, soltústikte jáne shyǵysta kóktaıǵaq kútiledi.