Búgin Almaty qalasynda aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

«2025 jyldyń 11 qarashasynda Almaty qalasynda qolaısyz meteorologııalyq jaǵdaılar kútiledi», delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, búgin elimizdiń 15 óńirinde jáne Astanada aýa raıyna baılanysty eskertý jarııalandy. 

Al Qaraǵandy oblysy joldarynda qysqy qaýipsizdik sharalary kúsheıtildi.