Búgin álem katolıkteri Rojdestvo merekesin toılaıdy

ASTANA. KAZINFORM — Hrıstıan álemindegi eń mańyzdy jáne saltanatty merekelerdiń biri — Rojdestvo merekesi. Ol Betlehem (Vıfleem) qalasynda Isa Másihtiń týǵan kúniniń qurmetine toılanady, dep habarlady Report.

Ártúrli konfessııalardyń hrıstıandary Rojdestvony 25 jeltoqsanda nemese 6-7 qańtar kúni toılaıdy. Búginde bul 100-den astam elde resmı mereke bolyp sanalady.

Negizinen hrıstıandar turatyn elderdiń kópshiliginde Rojdestvo kúni jumys istemeıdi. Degenmen, Úndistan men Malaızııa sııaqty elderde demalys berilmeıdi. Biraq bul elderde 25 jeltoqsan resmı mereke dep jarııalanǵan.

Bul kúni kóptegen elde dúkender jabylady. Anglııada tipti qoǵamdyq kólikter de jumys istemeıdi. Rojdestvoǵa daıyndyq birneshe aı buryn bastalady. Úılerde, qoǵamdyq oryndarda shyrshalar bezendiriledi. Bul dástúr 16 ǵasyrda Germanııada paıda bolyp, keıinnen búkil Eýropaǵa taraǵan.

Ár elde Rojdestvolyq dastarhannyń ózindik ereksheligi bar. Máselen, Sıtsılııada balyqtyń 12 túri daıyndalsa, Ulybrıtanııada jáne taǵy birneshe elde kúrketaýyq, qaz, sorpa, kartop, kókónister usynylady.

Aıta keteıik, Ispanııadaǵy dástúrli Rojdestvolyq lotereıa El Gordo bıyl orman órtinen qatty zardap shekken eldi mekenderge qýanysh syılady. 2025 jylǵy utys oıynynda 79 432 nómiri jeńimpaz dep tanyldy.