Búgin álem chempıonatynda Frantsııa men Argentına ekinshi oıynyn ótkizedi
ASTANA. KAZINFORM — Fýtboldan 2026 jylǵy álem chempıonatynda 22 maýsym jáne 23 maýsymǵa qaraǵan túni tórt oıyn ótkiziledi.
Bul joly I jáne J tobyndaǵy quramalar ekinshi týr oıyndaryn ótkizedi.
I tobynda 23 maýsymda Qazaqstan ýaqytymen 00:00–de Frantsııa jáne Irak quramalary sheberlik baıqassa, bul topta 19 maýsymda saǵat 0\5:00-de Norvegııa men Senegal jasyl alańǵa shyǵady.
Alǵashqy týrda Frantsııa Senegaldy 3:1, Norvegııa Irakty 4:1 esebimen tize búktirdi.
Sondaı-aq J tobynda 22 maýsymda saǵat 22:00–de Argentına — Aýstrııa, 23 maýsymda 08:00–de Iordanııa men Aljır kezdesedi.
Birinshi týrda Argentına Aljırdi 3:0, Aýstrııa Iordanııany 3:1 esebimen jeńdi.
Álem chempıonatynyń fınaldyq kezeńi bir aıdan astam ýaqytqa sozylady. Týrnır jeńimpazy 19 shilde kúni Ister-Raterford qalasyndaǵy MetLife stadıonynda anyqtalady.
Bıylǵy doda birneshe kórsetkish boıynsha rekord jańartpaq. Eger 1930 jyly ótken alǵashqy álem chempıonatyna 13 qurama qatysqan bolsa, qazir olardyń sany 48-ge jetti.
Týrnırdiń basty jańalyqtarynyń biri — jarys formatynyń ózgerýi. Toptyq kezeńde 48 qurama tórt komandadan quralǵan 12 topqa bólinedi. Pleı-off kezeńine ár toptan birinshi jáne ekinshi oryn alǵan komandalar, sondaı-aq úshinshi oryn ıelengen quramalardyń ishindegi úzdik segizi joldama alady.
Eske salsaq, budan buryn álem chempıonatynda Kabo-Verde men Ýrýgvaı teń oınady.
