Búgin Aqtóbe, Qostanaı, túnde Atyraý qalalarynda aýa sapasy nasharlaıdy
ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.
– 25 shildede qalada qolaısyz meteorologııalyq jaǵdaı Aqtóbe, Qostanaı, túnde Atyraý qalalarynda kútiledi, – delingen habarlamada.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, buǵan deıin Atyraýda aýadaǵy kúkirtsýteginiń mólsheri normadan 10 ese asyp ketkenin jazdyq.
Al Pavlodar oblysynyń ekologııalyq kartasy jarııalanyp, onda qaı qalanyń aýany kóbirek lastaıtyny aıtylǵan.
Sondaı-aq Almatyda jylytý maýsymy aıaqtalsa da, aýa sapasy nege jaqsarmaı turǵanyn jazdyq.
