Búgin Aqtóbe, Balqash, túnde Qostanaı qalalarynda aýa sapasy nasharlaıdy
ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.
19 maýsymda qolaısyz meteorologııalyq jaǵdaılar Aqtóbe, Balqash, túnde Qostanaı qalalarynda kútiledi, – delingen habarlamada.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Eske sala ketsek, Aqtaýda jaz bastalǵaly jaǵymsyz ıis kúsheıgen. Mamandar ıistiń qaıdan shyǵyp jatqanyn anyqtady.
Sondaı-aq Almatyda aýany lastap jatqan nysandardy anyqtaıtyn 20 mobıldi stantsııa satyp alynatynyn jazdyq.
