Búgin Aqmola men Soltústik Qazaqstan oblystarynyń ormandy alqaptarynda órt tirkeldi
ASTANA. KAZINFORM - 2026 jylǵy 12 qyrkúıekte elimizdiń memlekettik orman qory aýmaǵynda 3 orman órti tirkeldi, dep habarlaıdy QR Ekologııa mınıstrliginiń baspasóz qyzmeti.
Óńirler boıynsha:
• Aqmola oblysynda – 2 órt;
• Soltústik Qazaqstan oblysynda – 1 órt.
Órt oqıǵalary memlekettik orman kúzetiniń jerústi baqylaýy jáne «Qazavıaormanqorǵaý» RMQK-nyń áýe patrýldeýi barysynda der kezinde anyqtaldy.
Aqparat túskennen keıin órt oryndaryna qajetti kúshter men tehnıka jedel baǵyttaldy.
-Órtti sóndirýge memlekettik orman kúzeti qyzmetkerleri men Tótenshe jaǵdaılar departamentteriniń kúshteri jumyldyryldy,-delingen habarlamada.
Qazirgi ýaqytta atalǵan óńirlerde órtti sóndirý jumystary jalǵasýda. Órt jaǵdaıy turaqty baqylaýda.
Osyǵan deıin Abaı oblysynda taýly jerde qurǵaq shóp pen butalar órtenip jatqany týraly jazdyq.
