Búgin aqyn, aýdarmashy Ǵabbas Jumabaevtyń týǵanyna — 100 jyl

ASTANA. KAZINFORM – Qalamger Ǵabbas Jumabaevtyń týǵanyna 100 jyl toldy. 

Aqyn «Juldyz», «Mádenıet jáne turmys» jýrnaldarynda bólim meńgerýshisi, «Ara» jýrnalynda feletonıst, keıin Qazaq KSR Mınıstrler Keńesi janyndaǵy ınformatsııa agenttiginde aýdarmashy qyzmetin atqardy. 

Ǵabbas Jumabaevtyń tuńǵysh óleńder jınaǵy – «Nóser» 1959 jyly jaryq kórdi. Keıin «Mereı», «Jomart kúz» syndy jınaqtary oqyrmanǵa usynyldy.

Ol L. Tolstoıdyń «Kreıser sonatasy» povesi men birneshe áńgimelerin, K. Hetagýrovtyń óleńder jınaǵyn, G.Andersenniń ertegiler kitabyn, Samed Výrgýnnyń «Bakýdastan» poemasyn, N.Tıhoıovtyń, S.Prokofevtiń jáne basqa aqyn-jazýshylarynyń shyǵarmalaryn qazaq tiline aýdardy.