Búgin-aq 200 teńgeden jetkize alamyz – Saparov elordadaǵy kartop baǵasy jaıly

ASTANA. KAZINFORM – Biz búgin-aq Astanaǵa 200 teńgeden kartop jetkize alamyz. Biraq saýda núktelerine qatysty másele bar. AShM basshysy Aıdarbek Saparov osylaı dedi.

Úkimet otyrysynan keıingi baspasóz máslıhatynda BAQ ókili búgingi kúni elordadaǵy Magnum saýda jelisinde kartop baǵasy 450 teńge ekenin, al Small-da kartop múlde joq ekenin aıtty. 

- Shynymen, kartop baǵasy 450 teńgege jetti. Small-ǵa keletin bolsaq, men bul jumysty orynbasaryma tapsyrdym. Іrgemizdegi Pavlodar, Qaraǵandy oblystary baǵany túsirý jumystaryn júrgizip jatyr. Biraq fermerler katopty satqysy kelmeı otyr. Bizde kartop jetkilikti. Biz búgin-aq 5-10 kamaz ákelip, 200 teńgeden ótkizip bere alamyz, qabyldaı alsa boldy. Oǵan 20 paıyz qossa, quny 240 teńge bolady. Bul jerde saýda núktelerine qatysty másele bar. Bul máseleni qarastyratyn bolamyz, - dedi mınıstr.

Aıta keteıik, buǵan deıin vedomstvo ókili «Sapaly kartop syrtqa satylyp, sórede Qytaıdyń sapasyz ónimi qalǵany ras pa?» degen suraqqa jaýap bergen edi. Sondaı-aq el aýmaǵynan úshinshi elderge kartop shyǵarýǵa tyıym salynǵan edi.