Búgin 9 oblysta úsik júrýi múmkin - Qazgıdromet
ASTANA. KAZINFORM — «Qazgıdromet» RMK el aýmaǵynda 17 sáýirde bolatyn qaýipti meteorologııalyq qubylystarǵa boljam jasady.
Derekke qaraǵanda, kezekti soltústik-batys tsıklony men onymen baılanysqan atmosferalyq frontaldy bólikter Qazaqstannyń basym bóliginde turaqsyz aýa raıyn qalyptastyratyn bolady.
– Jańbyr men qar túrinde jaýyn-shashyn jaýady. Tek QR batysy men ortalyǵyna antıtsıklon jotasy áser etetin bolady – jaýyn-shashynsyz aýa-raıy boljanady. Respýblıka boıynsha jeldiń kúsheıýi, ońtústikte shańdy daýyl men tuman kútiledi, - delingen aqparatta.
Túnde Aqmola oblysynyń soltústik-batysynda, Aqtóbe oblysynyń soltústiginde, Qostanaı oblysynyń batysy men shyǵysynda, Soltústik Qazaqstan oblysynyń batysy men soltústiginde, Qaraǵandy, Shyǵys Qazaqstan oblystarynyń soltústigi men shyǵysynda, Almaty oblysynyń shyǵysy men taý bókteri aýdandarynda, Jetisý oblysynyń soltústigi men ortalyǵynda, Jambyl oblysynyń ońtústiginde topyraq betinde 1-3 gradýs úsik júredi.
Keshe de birqatar aımaqta úsik júrip, burshaq jaýdy.