Búgin 9 qalada meteorologııalyq jaǵdaı qolaısyz bolady – Qazgıdromet

ASTANA. KAZINFORM - «Qazgıdromet» RMK Qazaqstan qalalaryndaǵy aýa sapasyna boljamyn jarııalady.

Cınoptıkterdiń boljamy boıynsha, 8 qazanda Qaraǵandy, Jezqazǵan, Balqash, Temirtaý, Óskemen, Semeı, Aqtóbe, Almaty qalalarynda, túnde Astana qalasynda aýa lastanýynyń qolaısyz meteorologııalyq jaǵdaıy bolýy múmkin.

Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.