Búgin 9 qalada aýa sapasy tómendeıdi — Qazgıdromet

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

— 2026 jylǵy 25 qańtarda Petropavl, Kókshetaý, Pavlodar, Oral, Atyraý, Aqtóbe, Almaty qalalarynda, túnde Astana jáne Qostanaı qalalarynda aýanyń lastanýynyń qolaısyz meteorologııalyq jaǵdaılary kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Búgin Qazaqstannyń birqatar óńirinde boran men jelge baılanysty eskertý jarııalandy.