Búgin 9 qalada aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

«2025 jyldyń 16 qarashasynda Atyraý, Aqtóbe, Shymkent, Almaty, Astana, Qaraǵandy, Jezqazǵan,Temirtaý, Óskemen qalalarynda qolaısyz meteorologııalyq jaǵdaılar kútiledi», delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske sala ketsek, demalys kúnderi elimizdiń basym bóliginde tuman túsip, jel soǵatyny habarlanǵan.