Búgin 9 qalada aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady. 

— 2025 jylǵy 7 qazanda Aqtóbe, Almaty, Óskemen, Balqash, Qaraǵandy, Temirtaý qalalarynda, túnde Qostanaı, Atyraý, Astanada qolaısyz aýa raıy bolady, delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.

Sondaı-aq búgin taýly aımaqtarda aıaz bolady.