Búgin 10 qalada aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady. 

«2025 jylǵy 28 qarashada Astana, Almaty, Qyzylorda, Aqtóbe, Atyraý, Oral, Temirtaý, Jezqazǵan, Qaraǵandy ​​qalalarynda túnde Qostanaıda qolaısyz meteorologııalyq jaǵdaı kútiledi», delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske sala keteıik, «Qazgıdromet» RMK 27 qarasha kúngi aýa raıy boljamyn jarııalap, tuman, burqasyn, kóktaıǵaq bolatynyn eskertken.