Búgin 9 qalada aýa lastanady
Búgin Qazaqstannyń 9 qalasyna jaısyz meteorologııalyq jaǵdaı qalyptasyp, aýa lastanady, dep habarlaıdy Kazinform «Qazgıdromet» RMK-na silteme jasap.
«2023 jylǵy 16 jeltoqsanda Astana, Aqtóbe, Atyraý, Óskemen, Semeı, Rıdder, Petropavl, Kókshetaý, Pavlodar qalalarynda aýanyń lastanýynyń qolaısyz meteorologııalyq jaǵdaılary kútiledi»,-delingen habarlamada.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
