Búgin 8 qalada aýa sapasy nasharlaıdy

ASTANA. KAZINFORM – Elimizdiń 8 qalasynda jaısyz meteorologııalyq jaǵdaı qalyptasyp, aýa lastanady. 

- 17 aqpanda aýa sapasynyń nasharlaýyna baılanysty qolaısyz meteorologııalyq jaǵdaılar Pavlodar, Qaraǵandy, Balqash, Temirtaý, Óskemen, Semeı, Rıdder, Almaty qalalarynda bolady, - delingen habarlamada.

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske salsaq elimizdiń birqatar oblysynda daýyldy eskertý jarııalanǵan edi.